盛勁為麥明詩證婚訊求婚片段曝光　準新郎長文寫愛的宣言：好好彩先可以遇到你

早前麥明詩婚照流出，傳十優港姐與盛勁為結婚，但雙方一直未有回應。在今晚，麥明詩與盛勁為都分別在自己社交平台證實婚訊。

麥明詩在IG上載盛勁為在海邊送花及玩具「鑽戒」求婚相，她並寫道：「WeSaidYes」。

麥明詩結婚丨麥明詩昔日為林作當眾落淚　與抽水王拍拖被視為十優港姐黑歷史

▲ 麥明詩向盛勁為求婚。

麥明詩盛勁為結婚丨十優港姐主動出撃

而盛勁為上載求婚短片，不過從片中所見是麥明詩主動向男友求婚，她向男友送上靚錶並激動地說：「我想同你求婚！」

現場歡呼尖叫四起，盛勁為驚喜地說：「我係完全唔知！」更感動到淚流。

同時，盛勁為在社交網長文發表愛的宣言，表示：「以前嘅我，以為自己會單身一世。一個人無拘無束幾咁好，但一個疫情，令到以為揸住鐵飯碗嘅我突然失業，原來我並非想像中咁硬淨。嗰時我哋唔係好熟，但係你聽到我嘅情況，就問：「既然呢排得閒，想唔想去電視台做吓 part-time 啊？當見識吓、識吓女仔囉。」

「聽到有得識女仔，梗係正啦！就係咁，你介紹咗我上去後生仔傾吓偈，再玩衝上雲霄大選，又參與咗一部劇做喱啡，見到好多靚女，但最後.我都淨係識咗一個女仔，仲要本身已經識佢」

香港小姐丨麥明詩被傳結婚後首出席代言活動　十優港姐容光煥發獲讚：超級有氣質

▲ 麥明詩向盛勁為求婚。

麥明詩盛勁為結婚丨「情人」「朋友」完美結合

「由一開始大家都冇諗過會有咩發展，但係就愈傾愈投契，而且覺得好mind-blowing，因為我從未遇過一個靚得黎（嚟）冇脾氣、努力、會替人設想嘅女仔，仲要 ？....（下刪一萬字）同你一齊，冇一刻係浪費時間，我哋每日好似best friend咁一齊玩，一齊游水打波滑雪上山下海，將「情人」同「朋友」呢兩個身份完美結合。我真係好好彩先可以遇到你。」

「之後我講笑話，如果我地結婚，你都要同我求婚先襯得起你性格喎。我真係冇諗過你會記得我呢句說話，然後堅做⋯.好嘢」

最新影片推介：馮盈盈專訪

麥明詩盛勁為結婚丨一起同甘共苦

「你喺我最需要人support嘅時候出現，我呢世都會記得。我肯定將來我地會面對好多困難，但只要我哋一齊面對，一定可以捱得過」

「拍拖初期有一幕我到今日都好深刻，你話：「你未resume番，食飯等我請啦，嗱，你一飛返就以後都係你請我食飯㗎啦。」

就結婚一事，盛勁為回應TOPick證實與麥明詩在3月結婚，同時用及玩具「鑽戒」求婚的盛勁為表示，已向未婚妻送上真的鑽戒。

▼點擊圖片放大

+4

+3